ഊട്ടുനേർച്ച തിരുനാൾ - ജീവകാരുണ്യ തിരുനാൾ

കൊരട്ടി വിശുദ്ധ അന്തോണീസിന്റെ തീർത്ഥാടന കേന്ദ്രത്തിൽ 2025 ജൂൺ 10 ചൊവ്വാഴ്ചയാണ് ഊട്ടു നേർച്ച തിരുനാൾ. തിരുനാൾ ദിനമായ ജൂൺ 10-ന് രാവിലെ 6.30 മുതൽ രാത്രി 9.30 വരെ തുടർച്ചയായ ഓരോ മണിക്കൂറിലും തിരുക്കർമങ്ങൾ ഉണ്ടായിരിക്കുന്നതാണ്. തിരുനാൾ ദിനം ഒന്നര ലക്ഷം വിശ്വാസികൾക്കുള്ള നേർച്ച ഭക്ഷണമാണ് ക്രമീകരിക്കുന്നത്. ഇരുപത്തിയയ്യായിരം പേർക്കുള്ള പാർസൽ ഭക്ഷണംവും ഇരുപതിനായിരം പേർക്കുള്ള പാർസൽ പായസവും ക്രമീകരിക്കുന്നുണ്ട്. ജൂൺ 10 തിയ്യതി ചൊവ്വാഴ്ച 9.30 ക്ക് നേർച്ച ഭക്ഷണം തീർത്ഥാടനകേന്ദ്രത്തിന്റെ Asst റെക്ടർ Fr Lipin Jose kooliyath ആശിർവദത്തിക്കുന്നതോടെ നേർച്ച വിതരണം ആരംഭിക്കുന്നു. തിരുനാൾ ദിനം രാവിലെ 10.30 ന് വരാപ്പുഴ അതിരൂപത സഹായ മെത്രാൻ അഭിവന്ദ്യ ആന്റണി വാലുങ്കൽ പിതാവ് തിരുക്കർമ്മങ്ങൾക്ക്  മുഖ്യകാർമ്മികത്വം വഹിക്കുന്നു. തുടർന്ന് വർഷത്തിൽ ഒരിക്കൽ മാത്രം ദേവാലയത്തിൽനിന്നും പുറത്തിറക്കുന്ന പരി. അമ്മയുടെയും വി. അന്തോണിയുടെയും തിരുസ്വരൂപങ്ങൾ വഹിച്ചുകൊണ്ടുള്ള പ്രദിക്ഷിണവും ഉണ്ടായിരിക്കുന്നതാണ്. തിരുനാൾ ദിനം തീർത്ഥാടകരുടെ വാഹനങ്ങൾ പാർക്ക് ചെയ്യാൻ വിപുലമായ സൗകര്യങ്ങളാണ് ഒരുക്കിയിരിക്കുന്നത്. 500- ലതികം സന്നദ്ധപ്രവർത്തകരും, 100-ലധികം പോലീസ് ഉദ്യോഗസ്ഥരും, 20 സ്പെഷ്യൽ സെക്യൂരിറ്റിക്കാരും തിരുനാൾ തിരക്ക് നിയന്ത്രിക്കാൻ സന്നിഹിതരായിരിക്കും.

മഹാജൂബിലീ പ്രമാണിച്ചു തീർത്ഥാടനകേന്ദ്രം നിർമിച്ചു നൽകുന്ന 50 ഭവനങ്ങളിൽ 31 ഭവനങ്ങൾ പൂർത്തിയാക്കികൊണ്ടാണ് ഈ തിരുനാൾ ആഘോഷിക്കുന്നത്. തിരുനാൾ ആഘോഷ ചെലവ് കഴിഞ്ഞു മിച്ചം വരുന്ന തുക പൂർണമായും അവശേഷിക്കുന്ന ഭവന നിർമാണ പ്രവർത്തനങ്ങൾക്കായി തന്നെയായിരിക്കും ഉപയോഗിക്കുക.

 

ഊട്ടു നേർച്ച തിരുനാൾ ഒരു ജീവകാരുണ്യ തിരുനാൾ ആയിരിക്കുമെന്ന് തീർത്ഥാടനകേന്ദ്ര റെക്ടർ Fr Biju Thattarassery അറിയിച്ചു. തിരുനാൾ വിജയത്തിനായി 101 അംഗ കമ്മിറ്റിയാണ് പ്രവർത്തിച്ചുകൊണ്ടിരിക്കുന്നു.

2025 ജൂൺ 3 ചൊവ്വാഴ്ച തിരുനാൾ കൊടികയറ്റ ദിവസമാണ്. വരാപ്പുഴ അതിരൂപത Vicar General Msgr Mathew Kallinkal തിരുനാൾ പതാക ആശിർവതിക്കും. May 27 മുതൽ 13 ദിവസം നീണ്ടു നിൽക്കുന്ന നൊവേന ആചരണം ആരംഭിക്കുന്നു. തീർത്ഥാടനകേന്ദ്രത്തിലെ എല്ലാ സേവനങ്ങളും കേന്ദ്രത്തിന്റെ Youtube ചാനലിലൂടെ തത്സമയ സംപ്രേക്ഷണം ചെയ്യുന്നതാണ്. തീർത്ഥാടനകേന്ദ്രത്തിലെ നേർച്ച, കാഴ്ചകൾ സമർപ്പിക്കുവാൻ തീർത്ഥാടന കേന്ദ്രത്തിന്റെ website വഴി വിപുലമായ സജ്ജീകരണങ്ങളാണ് ഒരുക്കിയിരിക്കുന്നതെന്ന് ഇടവക കൈക്കാരന്മാരായ ശ്രീ ജോഷി പുളിക്കൽ, ശ്രീ ഡോണെറ്റ്സ് പേരേപ്പറമ്പിൽ എന്നിവർ അറിയിച്ചു.