വിശുദ്ധ അന്തോണീസിന്റെ പുതിയ കപ്പേളയുടെ കല്ലിടൽ കർമ്മം

കൊരട്ടി വിശുദ്ധ അന്തോണീസിന്റെ തീർത്ഥാടന കേന്ദ്രത്തിൽ വിശുദ്ധ അന്തോണീസിന്റെ നാമത്തിലുള്ള പുതിയ കപ്പേളയുടെ കല്ലിടൽ കർമ്മം റെക്ടർ റവ. ഫാദർ ബിജു തട്ടാശ്ശേരി മെയ് 05,2022 ൽ രാവിലെ 7 മണിക്ക് നിർവഹിച്ചു. 1977-ലാണ് കൊരട്ടി വിശുദ്ധ അന്തോണീസിന്റെ ഈ തീർത്ഥാടനകേന്ദ്രത്തിൽ വിശുദ്ധ അന്തോണീസിന്റെ നാമത്തിലുള്ള നൊവേന ആരംഭിച്ചത്. വിശുദ്ധ അന്തോണീസിന്റെ ഈ തീർത്ഥാടന കേന്ദ്രത്തിൽ നൊവേന തുടങ്ങിയിട്ട് ഇപ്പോൾ 45 വർഷം ആകുന്നു. ഇതിനെ അനുസ്മരിച്ചുകൊണ്ട് 45 വർഷം പഴക്കമുള്ള വിശുദ്ധ അന്തോണീസിന്റെ രൂപം പ്രതിഷ്ഠിച്ചു കൊണ്ടാണ് ദേവാലയത്തിന്റെ വലതുവശത്തായി ഒരു പുതിയ കപ്പേള നിർമ്മിക്കുന്നത്. ജൂൺ 14 ന് നടക്കുന്ന ഊട്ടുനേർച്ച തിരുനാളിന് മുന്നോടിയായുള്ള നവനാൾ ദിനത്തിൽ ഈ കപ്പേളയുടെ ഉദ്ഘാടന കർമ്മം  നിർവഹിക്കപ്പെടുന്നതാണ്.